اشعار علی آقا واحد
اشعار علی آقا واحد ،اشعار علی اقا واحدی،اشعار علی اقا واحد،شعر علی آقا واحد،اشعار ترکی علی آقا واحد،دیوان اشعار علی آقا واحد،شعر ترکی علی آقا واحد،شعر ترکی علی اقا واحد،شعر های علی اقا واحد،بهترین اشعار علی اقا واحد،گلچین اشعار علی آقا واحد،مجموعه اشعار علی آقا واحد،شعر عاشقانه علی آقا واحد،کتاب شعر علی آقا واحد،شعر ترکی از علی آقا واحد
در این مطلب از سایت جسارت بهترین اشعار علی آقا واحد را در بخش اس ام اس شعر برای شما تهیه کرده ایم .امیدواریم مورد توجه شما عزیزان قرار گیرد
اؤزوم بیر یئرده دوشدوم، مست قالدیم، باده بیر یئرده
بساطِ مئی‌ده سوز یوخ‌کی، دئییرلر، حال اولور آمما
«اولا گر باده بیر یئرده، نگارِ ساده بیر یئرده»
ینه، زاهید، اقلاً بیر صفا وار، سُفره‌ی مئی‌ده
نه گوسترمیش کدورت‌دن سوای سجاده، بیر یئرده؟
آلیبدیر کؤنلومی، حیرتده‌یه‌م کی، گؤزلرین فکری
نئجه بیر صید اولوب قسمت، ایکی صیّاده بیر یئرده
اسیری من کیمی مینلرجه وار، اول سروِ رعنانین
نه بیر دم اؤلدورور، نه ائیله‌ییر آزاده، بیر یئرده
منیم بو داغلار کی، سینه مه، اول لاله رخ چکمیش
که هرگز ائتمه‌میش شیرین، اونی فرهاده بیر یئرده
مقام و شا?نین ایسترسه‌ن، اوجالسین «واحد» عالمده
چالیش تا خدمت ائت، تکمیل اولان اوُستاده بیر یئرده
اشعار علی آقا واحد
سنه دنیاده مگر، عاشق اولاندا، غم ائلر؟
بسدیر اولدورمه‌یه جکسن، گؤزلیم دنیانی
هر اوزی گؤیچک اولاندا، بوقدر چم خم ائلر
اینجیمه گؤزیاشیم، آخسا سنی گؤردوکده گولوم
گول آچیل‌دیکده باهار فصلی بولود شبنم ائلر
ناز و غمزه‌ن، یئریشین، شوخ باخئشین، عالم‌دیر
بیرده زولفون اوزه توکسؤن اودا بیر عالم ائلر
حیف سن، گزمه یاراشماز سنه بیگانه‌ایله
او آچیب سرّینی دونیایه سنی، محرم ائلر
«واحدم» عمریمی من عشقیله صرف ایله‌میشم
عشق یا اؤلدورر آخر منی یا، آدم ائلر
بیر آفت جان، شوخ ملک، منظریم اولسا
هر گون دولانیب باشینا، قربان سنه اول‌لام
پروانه صفت، اوُچماقا، بال و پریم اولسا
دنیاده سئویننم بوتون عاشیقلر ایچینده
آهولری، مجنون ائلییه‌ن، گؤزلریم اولسا
شؤق‌ایله نثار ائیلرم، هر بیر قدمینده
دریا قدری الده، دُور و گؤهریم اولسا
کویینده منه قوی نه بیلیر، ائیله‌سین اغیار
البته جزاسین چکر «آللاه کریم» اولسا
بیگانییه من، بیر بئله منّت می ائدردیم؟
کونلوم کیمی بیر یار وفا پروریم اولسا
«واحد» دئمه‌رم دردیمی من باشقا نگاره
یاریم بیلیر عشقینده نه درد و سریم اولسا!
شعر عاشقانه علی آقا واحد
عشقین ائله‌سه عالمی قان، بیلمه‌یه جکسن!
یوز دفعه دئسه‌م، مطلبی قان، بیلمه‌یه جکسن!
باخ سینه مه، مین یاره ووروب تیرِ نگاهین
افسوس کی، ای قاشی کمان، بیلمه‌یه جکسن
آخر کی قوجالتدی منی، درِد و غم عشقین
پیر اولماسان، ای تازه جوان، بیلمه‌یه جکسن
بی‌مهرسن، عالمده، رُخِ آلینا حسرت
وئرسه‌م‌ده اگر هیجرده جان، بیلمه‌یه جکسن
مجنون کیمی، زنجیرِ سرِ زولفینه باغلی
اولسام داخی، رسوای جهان، بیلمه‌یه جکسن
توتسام، گؤزه‌لیم، دامنینی، اینجیمه منده‌ن
نیلیم کی، دئسم گئتمه، دایان، بیلمه‌یه جکسن